Sektori bankar po përjeton një zhvillim të jashtëzakonshëm në mënyrën sesi ofron shërbimet drejt klientëve dhe modeleve të reja të biznesit duke bashkëpunuar ngushtë me teknologjinë (FINTECH), ndaj dhe Credins ka vite që investon në digjiitalizim dhe sisteme informacioni. Kërkesa nga Banka Credins për të krijuar një program të përbashkët Masteri me Universitetin Europian të Tiranës i cili do të prodhojë studentë dhe punonjës potencial të specializuar në Fintech, vjen si pasojë e këtyre zhvillimeve dhe qasjes që Banka ka drejt digjiitalizmit.
Qëllimi
Qëllimi i këtij projekti është krijimi i një programi studimi Master Profesional në bashkëpunim me Universitetin Europian të Tiranës, ne degën “Teknologji Informacioni e Aplikuar në Financë”, i cili do të aftësojë punonjësit aktual dhe punonjësit e ardhshëm potencial në fushën e teknologjive më të fundit të sistemeve të informacionit.
Avantazhi i Masterit
Programi i studimit Master në Fintech ofrohet nga universitetet më të njohura në botë por në Shqipëri do të jetë programi i parë që ofrohet për FINTECH në një nga Institucionet e Arsimit të lartë në vend.
Përfitimet e studentëve
Bursë 50% të pagesës vjetore për secilin vit të masterit.
Praktikë mësimore të paguar, minimalisht për 6 muaj në secilin vit.
Mundësi punësimi për studentët me performancë të mirë në bazë të nevojave të bankës për kapacitete njerëzore.
Trajnime me Certifikata si: Komunikimi Efektiv, Zgjidhja e Konflikteve dhe Problematikave, Menaxhimi i Kohës, Menaxhimi i Projekteve, etj
Mentorim nga ekspertët më të mirë të teknologjisë në Bankën Credins.
Trajnime online në platformën Credins LMS (Learning Management System)
Ambient ideal për mësim si dhe mundësi për pjesëmarrje në aktivitete sportive dhe rekreative.
Përfitimet Akademike
Të kuptojnë, projektojnë, zhvillojëe e mirëmbajnë sistemet e informacionit.
Do të jenë të aftë të menaxhojnë bazat e të dhënave dhe rrjetave kompjuterike.
Do të kenë njohuri mbi inxhinierimin e software-ve.
Njohuri për sektorin Bankar për të mbështetur krijimin e shërbimeve dhe modeleve të reja të biznesit.