Credins Bank u nderua me çmimin Gold nga SOS
“SOS Fshatrat e Fëmijëve Shqipëri” organizoi dje në datën 06 Dhjetor aktivitetin e përvitshëm të donatorëve. Credins Bank u nderua me çmimin Gold nga SOS Fshatrat e Fëmijëve Shqipëri, për kontributin dhe gatishmërinë e treguar gjatë vitit 2017 mbi aktivitetet nismat e marra nga kjo organizatë.
Përkudesja për fëmijët në nevojë dhe mbështetja e tyre, është pjesë e politikave të përgjegjësisë sociale të bankës. Në këtë kuadër, prej disa vitesh, Credins, mbulon shpenzimet e disa fëmijëve të fshatit SOS, duke u dhënë atyre më shumë mundësi e duke investuar në një shtëpi të lumtur.